Kryetar i Shoqatës së transportit rrugor të udhëtarëve, Ruzhdi Kurtishaj, në një konferencë për medie, tha se nuk po zbatohet Marrëveshja e Bashkëpunimit për subvencionim që është nënshkruar paraprakisht ndërmjet ministrisë̈ së Infrastrukturës dhe Shoqatës, raporton Ekonomia Online.
Madje ai tha se Qeveria u ka premtuar se marrëveshja në fjalë do të gjejë zbatim.
“Qeveria në detyrë na ka premtuar dhe ne nuk kemi dashur që në kohë fushate të politizohemi, edhe pse jemi shoqata më e dëmtuar në kohë pandemie”, tha Kurtishaj.
Tutje ai tha që situata në këtë sektorë nuk është aspak e mirë, raporton EO.
“Edhe pse kemi bërë përpjekje të vazhdueshme për fat të keq ky dialog po mbetet në hije dhe Qeveria me anashkalimin e saj, e ka dëmtuar edhe më shumë sektorin e transportit rrugor”.
Kurtishaj tutje tha se kanë pësuar dëme 2 000 autobusë dhe mbi 400 biznese.
“Kërkojmë që kërkesat tona të pranohen dhe ministri të mbaj premtimet dhe jo të sillet indiferente ndaj nesh”, theksoi ai.
