Për shkak të pasojave ekonomike nga pandemia COVID-19, Produkti i Brendshëm Bruto (PBB) në zonën e 20 vendeve më të zhvilluara të botës u tkurr 3.3 për qind krahasuar me vitin e kaluar në vitin 2020.
Siç njofton Organizata për Bashkëpunim dhe Zhvillim Ekonomik (OECD), ekonomia e G20-së, për të cilat janë të disponueshme të dhënat, u tkurr vitin e kaluar.
Në mesin e ekonomive të G20, ekonomia e Britanisë së Madhe pati tkurrjen më të madhe me 9.9 për qind.
Në tremujorin e fundit të vitit 2020, ekonomitë e G20 u rritën me 2.1 për qind, që është një rënie nga përmirësimi i madh në tremujorin e mëparshëm prej 7.8 për qind që pasoi rëniet e papara në gjysmën e parë të vitit për shkak të masave kundër COVID-19.
Rritja e PBB-së në shumicën e ekonomive të G20 mbeti pozitive në periudhën tetor-dhjetor 2020, ku India regjistroi rritjen më të lartë me 7.9 për qind.
PBB-ja u tkurr në Itali dhe Francë me minus 1.9 për qind dhe minus 1.4 për qind në tremujorin e fundit.
