Bideni ndalon investimet amerikane në ushtrinë dhe teknologjinë kineze

Democratic presidential candidate former Vice President Joe Biden speaks about the coronavirus Thursday, March 12, 2020, in Wilmington, De. (AP Photo/Matt Rourke)

Presidenti i Shteteve të Bashkuara, Joe Biden, ka nënshkruar një urdhër ekzekutiv që ua ndalon kompanive amerikane investimin në dhjetëra kompani kineze të dyshuara për lidhje me sektorët e mbrojtjes dhe teknologjisë së vëzhgimit.

Thesari i Shteteve të Bashkuara do ta përditësojë vazhdimisht listën e kompanive në të cilat ndalohen investimet. Fillimisht, në këtë listë ndodhen rreth 60 kompani, shkruan The Guardian, transmeton Gazeta Express.

Urdhri i ri i ndalon edhe blerjen apo shitjen e produkteve të sigurisë me këto kompani dhe e zëvendëson listën e mëhershme të Departamentit të Mbrojtjes.

Reklama e sponzorizuar

Në dokument thuhet se ndalohet që kompanitë amerikane ta përkrahin kompleksin ushtarak kinez si dhe programet zhvillimore të inteligjencës dhe sigurisë. Masat e reja do të hyjnë në fuqi nga 2 gushti i këtij viti.

“Ne presim plotësisht që në muajt e ardhshëm do të shtojmë edhe kompani të tjera në kufizimet e urdhrit ekzekutiv”, tha një zyrtar i lartë amerikan.

Ky vendim i Shtëpisë së Bardhë është pjesë e një vargu hapash të presidentit Biden për t’iu kundërvënë Kinës, përfshirë forcimin e aleancave me perëndimin.