Çmimi i arit vazhdon rritjen, arrin nivelin më të lartë në 5 muaj prej dollarit të dobët dhe inflacionit

Ari

Çmimi i arit është rritur në nivelin më të lartë në 5 muaj, nxitur nga dollari i dobët dhe presionet inflacioniste, ndërkohë që investitorët presin më shumë të dhëna për të matur përmasën e rimëkëmbjes ekonomike në SHBA.

Norma spot e arit u rrit me 0.4% në 1,915.01 dollarë për onz, që është niveli më i lartë që prej 8 Janarit.  Analistët thonë se ky trend i fortë rritës vjen paralelisht me rënien e dollarit amerikan dhe shqetësimeve mbi inflacionin.

Një tjetër faktor pas rritjes së arit është rikthimi i blerësve nga Kina dhe India.  Indeksi i dollarit ra me 0.3% kundër shportës së valutave rivale, duke e bërë arin më të lirë për mbajtësit e valutave të huaja.

Reklama e sponzorizuar

Javën e kaluar, u publikuan të dhënat mbi çmimet e konsumit në SHBA, që patën rritje në muajin Prill. Një nën tregues i inflacionit u rrit sipër nivelit prej 2% që është objektivi i Rezervës Federale.  Pjesëmarrësit e tregut do të përqendrohen këtë javë në publikimin e raportit mbi punësimin në Shtetet e Bashkuara.

Rezerva Federale ka thënë vazhdimisht se pret që rritja e inflacionit të jetë e përkohshme dhe se stimujt monetarë do të qëndrojnë për disa kohë./Scan tv/