Kryeministri i Kosovës, Albin Kurti në një koferencë për media ka pohuar se pordhuesit kosovar do të përkrahen nga Qeveria.
Ai ka thënë se do të ua paguajnë gjysmën e kamatës qe kanë këta prodhues.
“Sektori i Bujqësisë, Pylltarisë dhe Zhvillimit Rural është i një rëndësie të veçantë për Qeverinë e Kosovës. Sepse përveç që prodhon e siguron ushqim, krijon edhe vende pune. Pandemia e ka validuar peshën që ka zhvillimi të qëndrueshëm i Bujqësisë, Pylltarisë dhe Zhvillimit Rural. Shteti do të iu ndihmojë duke ia subvencionuar gjysmën e kamatës. Për subvencionim prej 20% te kredisë investive, prodhuesi që investon 500,000 euro në zgjerim të kapaciteteve do të marrë edhe më shumë sesa kamata që paguan: 100,000 euro, më saktësisht. Secili prodhues do të mund të përfitojë deri në 130 mijë euro tjera shtesë mbi subvencionimit e investimit, për të rritur cilësinë e produktit, dhe zgjerimin në tregje të reja”, tha Kurti në konferencë.
Ai gjithashtu deklaroi se kanë hartuar strategjinë për bujqësinë.
“Ministrinë e kemi gjetur me 40 milionë obligime ndaj fermerëve në kategorinë e subvencioneve. Me buxhetin e vitit 2022 do ta fillojmë me zero obligime financiare ndaj fermerëve, edhe për 11 milionë buxhet shtesë për ta”, shtoi tutje Kurti./Buletini Ekonomik/
