Prej dy zëvendësguvernatorëve që e përbëjnë strukturën udhëheqëse të Bankës Qendrore të Kosovës (BQK), njërit tashmë i ka kaluar mandati.
Buletini Ekonomik mëson se ky institucion është në proces të përzgjedhjes së zëvendësguvernatorit të ri.
Konkursi është mbyllur të hënën e kaluar, ndërsa tash pritet intervistimi i kandidatëve. Kjo pozitë është me rëndësi pasi zëvendësguvernatori, sipas ligjit, merr pjesë edhe si anëtar në Bordin Ekzekutiv të këtij institucioni.
Reklama e sponzorizuar
Veç kësaj, BQK-ja është në proces të përzgjedhjes edhe të një anëtari jo-ekzekutiv për Bord të BQK-së. Këtij bordi i mungon edhe anëtari i pestë për t’u kompletuar.
Buletini Ekonomik do t’ju mbajë të informuar për të dyja këto procese në vazhdimësi. /Buletini Ekonomik/
