Banka Qendrore Europiane (BQE), do të rritë kamatat tri herë gjatë këtij viti në mënyrë që të ndalojë inflacionin, theksojnë ekonomistët në një anketë të Bloombergut.
Ekonomistët qëndrimet e veta i mbështesin në idenë se ndër krijuesit e politikës së BQE-së se duhet urgjentisht të veprohet.
Këshilli Administrativ i BQE-së do të bëjë rritjen e kamatave shkallë-shkallë, në depozitat në bankë gjatë qershorit, shtatorit dhe dhjetorit në mënyrë që këto të arrihen në fund të vitit 025 për qind, tregojnë rezultatet e anketës së bloombergut.
Kamatat në operacionet kryesore të rifinancimit do të ngriten, sipas mendimit të ekonomistëve në shtator dhe dhjetor nga 0 për qind sa është tani, në 0.5 për qind, përcjell Buletini Ekonomik.
Njëkohësisht, pjesmarrësit e anketës tregojnë se ekonomia e Eurozonës do të vazhdojë ekspansionin këtë vit me gjithë sfidat në rritje për shkak të luftës në Ukrainë.
Me këtë rast parashikojnë që Prodhimi Bruto Vendor i 19 anëtarëve të bllokut monetar do të shënojë rritje 2.8 për qind më 2022.
Edhe nga 2.3 për qind në vitin e ardhshëm, që për 0.1 për qind është më pak për këto dy vjet sesa që më herët është paraparë.
Në anën tjetër ekonomistët kanë ngritur shkallën e inflacionit të pritshëm në 6.7 për qind për këtë vit derisa më 2023 parashikojnë ngadalësimin e rritjes së çmimeve të konsumit në 2.6 për qind, gjegjësisht në 1.9 për qind në 2024, që është nën qëllimin e BQE, njofton agjencia e New Yourkut./Buletini Ekonomik/
