Administrata Tatimore e Kosovës (ATK), ka njoftuar se për pesë muaj ka arritur të mbledhë gjithësej 312.7 milionë euro.
Në një njoftim të tyre në facebook thuhet se krahas planit për periudhën janar-maj 2022 janë mbledhur 35.6 milionë euro apo 12.8 për qind më shumë se projeksioni, duke tejkaluar pritshmëritë për të hyra edhe në muajit maj.
Sipas tyre, të gjitha këto aktivitete përveç tejkalimit, kanë dhënë rezultat, pasiqë nëse krahasohet më periudhën e njëjtë 2021, ka rritje për 70.2 milionë euro apo 28.9 për qind.
ATK gjtihashtu thotë se këtë ritëm të inkasimit sigurisht e ka mundësuar përkushtimi maksimal i menaxhmentit dhe stafit të ATK-së, duke realizuar shume aktivitete, të cilat kanë përmirësuar performancen e ATK së, duke u nisur nga inkasimi dhe trajtimi i borxheve, avancimi i vazhdueshëm i shërbimeve ndaj tatimpaguesve dhe qytetareve, si dhe intensifikimi i bashkëpunimeve me institucionet e vendit.
“ATK po ashtu falënderon të gjithë tatimpaguesit që me vet-deklarim kanë arritur që të kemi një përqindje të konsiderueshme të përmbushjes vullnetare”, përfundon njoftimi i ATK-së./Buletini Ekonomik/
