Sot, më 25 gusht do të fillojë greva e përgjithshme e punëtorëve të sektorit publik në Kosovë.
Kryetari i këshillit grevist të BSPK-së, Rrahman Jashari ka thënë se deri në realizimin e kërkesave të tyre, në grevë do të përfshihet edhe i gjithë sistemi arsimor.
Ata po kërkojnë nga Qeveria e Kosovës që të realizojë kërkesat për mbështetje prej 100 euro për gjithë punëtorët e sektorit publik deri në miratimin e Ligjit të Pagave.
Sindikata e Bashkuar e Arsimit, Shkencës dhe Teknologjisë ka bërë thirrje të mërkurën që anëtarët të marrin pjesë në komisione dhe administrim të provimit të maturës shtetërore, që do të mbahet të shtunën.
Ndërkohë kryeministri i Kosovës, Albin Kurti, dje në një konferencë për media është shprehur se është koha për punë dhe jo për greva.
