Çmimi i karburantit në Zvicër mbetet i lartë në krahasim me vendet fqinje dhe shumë thonë se kjo është për shkak të mungesës së informacionit që po pengon konkurrencën e shëndoshë ndërmjet pikave të karburantit në vend.
Franca, Gjermania dhe Austria kanë të gjitha faqe interneti që tregojnë çmimin e një litri benzinë ose naftë në shumë stacione të ndryshme në vendet e tyre përkatëse, shkruajnë mediat zvicerane, përcjell albinfo.ch.
Në Bernë, dy komitete të ndryshme po bëjnë thirrje për një sistem të ngjashëm.
Avokati i popullit zviceran i çmimeve, Stefan Meierhans, bëri thirrje për një sistem të tillë në pranverë – duke thënë se mungesa e transparencës po i mban çmimet të larta.
Ai thotë se sistemi do të detyrojë stacionet e shërbimit të përditësojnë rregullisht çmimin e tyre dhe të reagojnë ndaj konkurrentëve.
