Administrata Tatimore e Kosovës (ATK) ka rikujtuar se fitimet e realizuara nga lotaritë, bastet, lojërat elektronike dhe aktivitetet e ngjashme konsiderohen të ardhura të tatueshme dhe duhet të deklarohen sipas legjislacionit tatimor në fuqi.
Sipas ATK-së, ky obligim vlen për çdo person që ka përfituar nga këto aktivitete, pa marrë parasysh shumën apo formën e përfitimit.
Reklama e sponzorizuar
Institucioni thekson se fitimet duhet të raportohen si në rastet kur janë marrë në para, ashtu edhe kur janë përfituar në formë shpërblimesh.
ATK paralajmëron se mosdeklarimi i këtyre të ardhurave mund të sjellë pasoja ligjore, përfshirë gjoba dhe ndëshkime të tjera të parapara me ligj. /Buletini Ekonomik/
