Korporata Energjetike e Kosovës (KEK sh.a.) ka njoftuar se Blloku B2 ka rifilluar me sukses operimin pas përfundimit të sanimeve dhe ekzaminimeve të planifikuara.
Sipas njoftimit të KEK-ut, njësia është startuar me sukses dhe është sinkronizuar me rrjetin elektroenergjetik rreth orës 20:26, duke garantuar vazhdimësinë e prodhimit dhe stabilitetin e sistemit.
Reklama e sponzorizuar
“Ky rezultat dëshmon përkushtimin e KEK sh.a. për operim të sigurt, efikas dhe të qëndrueshëm të kapaciteteve prodhuese, si dhe aftësinë e ekipeve teknike dhe menaxhuese për të kryer ndërhyrje preventive dhe riparime të domosdoshme në kohë optimale”, thuhet në komunikatën e KEK-ut. /Buletini Ekonomik/
