Qeveria e Republikës së Kosovës ka miratuar masat e përgjithshme dhe të veçanta për kontrollin, parandalimin dhe luftimin e pandemisë COVID-19. Një ndër pikat është edhe kufizimi i disa sektorëve, duke veçuar gastronominë.
Drejtori ekzekutiv i Odës Ekonomike Amerikane, Arian Zeka, tha se ka pas ndërgjegjësim të vogël për vaksinim.
“Tani po hyjmë në situatë të re dhe duhet shikuar se si të mbështetet bizniset që do të afektohen nga vendimi i qeverisë për kufizim të veprimtarisë”, tha ai sot në emisionin e mëngjesit “Mirëmëngjesi Kosovë”, në Radio Televizionin e Kosovës.
Sipas tij duhet menduar se çka do të ndodh pas 13 shtatorit.
Ai ka përmendur edhe grumbullimin e njerëzve në tubimet e fushatës para zgjedhore nga partitë politike dhe kjo do të mund të ndikojë negativisht.
