Lufta në Ukrainë ka ndikuar në rritjen e çmimit të derivateve. Nga kjo rritje është prekur edhe Kosova.
Aktualisht, çmimi i një litre naftë në vend kushton 1 euro e 52 centë, por gjatë javëve në vijim mund të shkojë deri në 1 euro e 80 centë.
Shtrenjtimi do të vazhdojë edhe në Shqipëri e Maqedoni të Veriut. Prej 1 euro e 65 centë sa kushton aktualisht një litër në Shqipëri, pritet të bëhet 2 euro, derisa në Maqedoninë e Veriut prej 1 euro e 29 centë sa është tash, pritet të bëhet 1 euro e 35 centë.
Bazuar në një infografikë të publikuar, nafta kushton më së liri në Bosnjë e Hercegovinë, derisa më së shtrenjti në Greqi.
Ndryshe, se do të vazhdojë shtrentimi i derivative edhe gjatë ditëve në vazhdim e kanë paralajmëruar edhe nga Shoqata e Naftëtarëve të Kosovës.
“Çmimet dje kanë qenë 1 euro e 40 centë, sot kanë mbërri 1 euro e 50 centë. Ka pasur rritje ekstreme. Për qytetarët tonë këto çmime janë shumë të shtrenjta, por kjo nuk po varet prej neve, kjo po ndodhë në tërë botën. Sot, çmimi i naftës është 1 euro e 45 centë, benzinës 1 euro e 50 centë. Deri tash kur jeni duke folur çmimet janë për 50 dollarë në ton duke u shtrenjtuar. Për momentin nuk ka të ndalur. Kjo është duke ndodhur në gjithë botën. Organizata prodhuese OPEK ka reduktuar prodhimin, dhe lufta e cila është duke u zhvilluar në Ukrainë, këto kanë bërë që në histori të mos ketë çmime kaq të larta siç janë deri më tani. Siç është duke vazhduar trendi, tek ne çmimet do të bëhen 1.70 centë deri 1.80 centë, ndërsa në vendet në rajon, në Shqipëri dhe Serbi do të arrijë deri 2.50 centë”, kanë deklaruar nga kjo shoqatë. /Express/
