Tik-Tok është ndër aplikacionet më të shkarkuara gjatë 2021-s, dhe radhitet në vendin e parë në SHBA me 94 milionë shkarkime nga përdoruesit e telefonëve.
Rritja e interesimit të përdoruesve për të qenë aktiv në “Tik-Tok” ka të bëjë edhe me pagesat që ky aplikacion iu bën përdoruesve që kanë aktivitet të madh.
Përdoruesit e Tik-Tok-ut kanë mundësinë që të organizojnë paraqitje “LIVE” me përdorues të tjerë të “famshëm” të këtij aplikacioni.
Aty shikuesit dërgojnë para në formë të dhuratave ose që njihen ndryshe në gjuhën angleze si “gifts”.
Përfitimet e mëdha financiare nuk kanë munguar as për përdoruesit e “Tik-Tok”-ut në Kosovë.
Ata kanë shfrytëzuar “famën” e tyre në këtë aplikacion, po përfitojnë mijëra euro brenda një kohe të shkurtë.
E këto përfitime, si duket po kalojnë pa u vërejtur nga Administrata Tatimore e Kosovës, duke mos paguar asnjë tatim ndaj shtetit.
Zëdhënësja e ATK-së, Valentina Bytyqi-Sefa, ka thënë se vegla analitike për analizimin e rrjeteve sociale, nuk ju ofron mundësinë e analizimit të aplikacionit “Tik-Tok”.
Ajo thotë se ky institucion nuk ka mundësi kontrolli edhe për përfitimet e përdoruesve të saj në Kosovë.
“Vegla analitike për analizimin e rrjeteve sociale MKCVI për të cilën kemi rinovuar licencën na ofron mundësinë e analizimit të rrjeteve sociale, por jo edhe të ‘Tik-Tok’-ut”, tha ajo.
Sipas saj, grumbullimi dhe analizimi i informatave dhe përfituesve nga ky rrjet social mund të bëhet vetëm për raste individuale dhe atë në bashkëpunim me Njësinë e Inteligjencës Financiare.
Në këtë njësi, subjektet raportuese janë të obliguara që të raportojnë të hyrat nga jashtë”, thuhet në përgjigjen e Bytyqit për lajmi.net.
ATK-ja ka bërë të ditur se në plan për këtë vit, ka koordinimin e mënyrës dhe mundësinë e identifikimit dhe pastaj edhe të trajtimit të përfituesve financiar nga rrjetet sociale ku përfshihet edhe Tik-Tok-u.
Më shumë:
