Ministri i Financae, Punës dhe Transfereve, Hekuran Murati, gjatë raportimit tb djeshëm në Komisionin për Buxhet tha se paga mesatare në sektorin privat në vend është 419 euro, kurse në sektorin publik me koeficinetin e ri të propozuar nga qeveria në 105 euro.
Pra, sipas tij, paga mesatare në sektorin publik pritet të jetë 730 euro ose 75 për qind më e lartë se në sektorin privat. Ky dallim i pagave mesatare në sektorin publik deri më tani ishte 45 për qind në krahasim me sektorin privat.
Sipas raportit të fundit të ASK-së, paga mesatare deri para hyrjes në fuqi të Ligjit të pagave për sektorin publik ka qenë 612 euro, ndërsa tash me vlerën e koeficientit të ri arrin 730 euro ose 20 për qind më shumë.
Ndërsa, paga mesatare bruto në sektorin e ndërmarrjeve publike në vitin 2012 ishte 561 Euro, derisa në vitin 2021 ishte 768 euro.
