Tregtia, ndërtimtaria, prodhimi dhe arsimi janë sektorët në të cilët e kanë gjetur veten më së shumti kosovarët.
Sipas raportit me titull “Anketa e Fuqisë Punëtore, TM2 2019”, në tremujorin e dytë të vitit 2019, Tregtia punësonte 17.9 për qind nga numri i përgjithshëm i punonjësve në tregun e punës, duke vazhduar me ndërtimtarinë me 13.4 për qind, prodhimin me 12.4 për qind dhe arsimin me 9.7 për qind.
Sipas të dhënave të Agjencisë së statistikave të Kosovës, gratë më së shumti janë të punësuara në arsim, tregti dhe kujdes shëndetësor, ndërsa burrat në sektorin e tregtisë, ndërtimtarisë dhe prodhimit.
“Arsimi, tregtia dhe kujdesi shëndetësor ishin tre punëdhënësit kryesorë për femrat (duke punësuar 51.6% të femrave të punësuara). Tregtia, ndërtimtaria dhe prodhimi janë sektorët më të zakonshëm të punësimit për meshkujt (duke punësuar 48.9 % të meshkujve të punësuar).”, thuhet në raportin “Anketa e Fuqisë Punëtore, TM2 2019”, të publikuar ne Agjencinë e Statistikave të Kosovës. /Buletini Ekonomik/
