Komisioni për Buxhet dhe Transfere nuk i ka dhënë mbështetje Raportit me rekomandime për Projektligjin e Rimëkëmbjes Ekonomike.
Me pesë vota për, asnjë kundër dhe asnjë abstenim nuk ka kaluar projektligji në lexim të dytë në këtë Komision.
Kësisoj, projektligji nuk mund të procesohet sot për votim në shqyrtim të dytë në Kuvendin e Kosovës.
Deputetët e Vetëvendosjes nuk morën pjesë në votim, e as ata të PDK-së që kanë vendosur që për një javë të shtyjnë aktivitetet në Kuvend për shkak të zhvillimeve në Speciale.
Për sot ishte paraparë të mbahet seanca e jashtëzakonshme për shqyrtimin në lexim të dytë të Projektligjit për Rimëkëmbjen Ekonomike që u mundëson qytetarëve edhe tërheqjen e 10 për qind të mjeteve nga Trusti.
Më 12 tetor ishte miratuar në lexim të parë ky projektligj pas tentativës së shtatë.
