Turqia shënoi rritje të inflacionit vjetor prej 14.97 për qind në çmimet e konsumit në janar, bëri të ditur të mërkurën autoriteti i statistikave në këtë shtet.
Në dhjetor të vitit të kaluar, kjo shifër ishte 14.6 për qind, sipas Institutit Statistikor të Turqisë, shkruan Anadolu.
Përpos shtimit të inflacionit, indeksi i çmimeve të konsumit në janar u rrit për 1.68 për qind në bazë mujore.
Ekonomistët e anketuar nga agjencia Anadolu të premten e kaluar parashikuan që shkalla e inflacionit në janar të jetë 14.75 për qind.
Sipas programit të ri ekonomit, të paraqitur nga qeveria shtatorin e kaluar, synimi i shtetit është që shkalla e inflacionit të mbahet në 8 për qind.
Sidoqoftë, parashikimi i Bankës Qendrore për inflacionin në fund të vitit 2021 është 9.4 për qind.
