Eksportet e armëve dhe pajisjeve ushtarake të Gjermanisë thyen një rekord këtë vit, duke arritur në rreth 9.04 miliardë euro.
Sipas agjencisë gjermane të lajmeve (DPA), Ministria gjermane e Ekonomisë ka deklaruar se qeveria këtë vit ka miratuar shitjen e armëve dhe pajisjeve ushtarake me një vlerë rreth 9.04 miliardë euro.
Berlini rekordin e mëparshëm vjetor nga shitja e armëve dhe pajisjeve ushtarake e kishte në vitin 2019 me 8.02 miliardë euro.
Egjipti është vendi të cilit Gjermania i shiti më shumë armë dhe pajisje ushtarake këtë vit.
Berlini ka dhënë miratimin për shitjen e armëve dhe pajisjeve ushtarake ndaj Egjiptit në vlerën 4.34 miliardë euro.
Qeveria federale gjermane nën qeverisjen e kanelares Angela Merkel, pak kohë më parë nga ndryshimi i qeverisë miratoi dy eksporte për armë të ndjeshme ndaj Egjiptit, raporton AA.
Këshilli i Federal i Sigurisë i mbledhur nën kryesimin e Merkelit, miratoi shitjen ndaj Egjiptit për tre fregata të klasit “MEKO A-200 EN” të Thyssenkrupp Marine Systems si dhe 16 sisteme të mbrojtjes ajrore të llojit “IRIS-T SLS / SLX” të Diehl Defence.
Qeveria gjermane miratoi edhe eksportimin ndaj Singaporit për nëndetësen e klasit “218 SG” të ThyssenKrupp Marine Systems.
Shitja e armëve dhe pajisjeve ushtarake të Gjermanisë në vitin 2020 ra në 5 miliardë e 820 milionë euro duke shënuar rënie me 27.4 për qind në krahasim me një vit më parë.
