Ndërmarrja shtetërore energjetike e Serbisë, EPS, është duke planifikuar që të tërheq termocentralet e saj të thëngjillit Morava dhe Kolubara A nga prodhimi i energjisë elektrike nga viti 2023, dhe t’i shëndrroj ato në termocentrale me gaz natyror.
Lajmin e ka bërë të ditur News Serbia Energy, ku është raportuar se si pjesë e procesit të dekarbonizimit, EPS tha se do të përdor gazin natyror si një zgjidhje tranzicionale.
Tutje, është thënë se infrastruktura egzistuese në këto termocentrale mund të përdoret në mënyrë efiçente dhe pothuajse mund të arrihet nivel i njëjtë i gjenerimit të energjisë elektrike.
Deri më tani, EPS ka lansuar një tender për përgatitjen e një studimi fizibiliteti dhe një dizajn preliminar të termocentralit të gazit Morava me një kapacitet të instaluar prej 120MW.
Synimi është që të definohet zgjidhja tekniko-teknologjike e boilerit të ri të avullit të fituar nga djegia e gazit, për të përcaktuar planin e ndërtimit dhe për të përcaktuar koston e projektit.
Prezantimi gradual i gazit natyror në gjenerimin e energjisë elektrike mundëson mundësinë më të lehtë për të tejkaluar periudhën e tranzicionit deri në shëndrrimin e plotë të prodhimit të energjisë elektrike nga burmit e ripërtëritshme të energjisë.
Deri kur të sigurohet dekarbonizimi i plotë, ndërtimi i një numri më të madh të njësive të gazit mund të pritet në lokacionet që aktualisht kanë termocentrale të thëngjillit.
