Shoqata e Naftëtarëve të Kosovës, ka paralajmëruar rënie të çmimeve të derivateve të naftës për javën e ardhshme.
Nga kjo shoqatë kanë deklaruar se rënia ka e çmimeve ka nisur nga mbrëmë, por rënie më të theksuar do të ketë nga java e ardhshme.
“Ulje të çmimeve më të theksuara pritet të ketë në javën e ardhshme. Kështu është për momentin situata, por kjo nuk është me siguri të plotë, sepse mund të lëvizë edhe në anën e kundërt, por informatat janë që do të lëvizet në këtë drejtim”, kanë thënë nga kjo shoqatë për Indeksonline.
Më tutje është bërë e ditur se sot çmimet e derivateve në Kosovë, variojnë nga 1.16 deri 1.20 dizel, ndërsa një litër benzinë nga 1.20 deri 1.25.
Kujtojmë se javët e fundit, çmimet e derivateve në Kosovë patën shënuar rritje të madhe.
