Një kompani shtetërore ruse e energjisë do të ndalojë nga nesër furnizimin me energji për Finlandën.
Sipas medieve të huaja, përcjell Telegrafi, energjia elektrike e eksportuar nga Inter RAO do të pezullohet nga nesër, pasi filiali i saj nordik ‘nuk është në gjendje të kryejë pagesa’.
RAO Nordic tha se “nuk është në gjendje të bëjë pagesa për energjinë elektrike të importuar nga Rusia”.
Kompania e rrjetit finlandez, Fingrid, tha se nuk ka “asnjë kërcënim për mjaftueshmërinë e energjisë elektrike” në vend.
Sipas tyre energjia nga Rusia përbënte rreth 10 për qind të konsumit total të energjisë në vend.
“Importet e munguara mund të zëvendësohen në tregun e energjisë elektrike duke importuar më shumë energji elektrike nga Suedia dhe pjesërisht edhe nga prodhimi vendas”, shtoi Fingrid.
