Ministri i Mjedisit, Planifikimit Hapësinor dhe Infrastrukturës, Liburn Aliu ka deklaruar se kjo ministri është duke planifikuar një formë të re të transportit që ka synim lidhjen e Prishtinës me Fushë Kosovën.
Aliu potencoi se kanë si qëllim një lloj treni të shpejt i ngjashëm si tramvaji.
“Jemi në diskutim për një transport të ri që ka të bëjë më shumë me transportin e udhëtarëve, nga Prishtina deri në Fushë Kosovë, të bëhet një tren i shpejt që do e shkarkonte trafikun, si lloj tramvaj. Për këtë jemi duke folur edhe me BE-në”, ka thënë Aliu.
Sipas tij, diskutimi për specifika të këtij projekti mund të nis që prej këtij viti, ndërsa tani ai thotë se projekti është vetëm në fazë të inicimit.
Aliu nuk e përjashtoi mundësinë që pasi një studimi të fizibilitetit dhe një financimi, ky lloj transporti të zgjatej deri në aeroport.