Ekonomia botërore do të marrë një goditje më të madhe se sa ishte parashikuar më parë vitin e ardhshëm për shkak të efekteve të luftës së Rusisë në Ukrainë, tha Organizata për Bashkëpunim dhe Zhvillim Ekonomik (OECD).
Organizata me bazë në Paris, në një raport të titulluar “pagimi i çmimit të luftës” të publikuar këtë të hënë, parashikon që prodhimi global do të rritet me 3 për qind në 2022, me gjysmën e ritmit të arritur vitin e kaluar, dhe uli parashikimin e saj të rritjes për vitin 2023 me 0,6 pikë përqindje në 2.2%.
Ulje më e prehtë parashikohet për ekonominë amerikane, e cila pritet të rritet me 1.5 për qind këtë vit, me një ulje prej 0.5 për qind në 2023.
Organizata nënvizoi rrezikun që shkurtimet e gazit rus në Europë mund të rezultojnë “shumë më shkatërruese” sesa supozojnë këto parashikime.
Magazinimi i gazit të BE-së, edhe në nivelet e tij aktuale prej rreth 80 deri në 90 për qind të kapacitetit, mund të jetë i pamjaftueshëm për të kaluar bllokun gjatë një dimri tipik pa rënë në nivele të rrezikshme të ulëta, tha OECD.
Një dimër më i ftohtë mund ta bëjë mungesën e furnizimit shumë më të vështirë, duke çuar në çmime globale “thelbësisht më të larta”, siç mund të ndodhte me çdo dështim për të siguruar gaz jo rus jashtë BE-së në masën e pritur.
Nëse Bashkimi Europian nuk arrin të sigurojë furnizime alternative dhe të reduktojë kërkesën për gaz në mënyrë të rregullt, mungesat mund të “ngrenë çmimet globale të energjisë, të godasin besimin dhe kushtet financiare dhe të kërkojnë një racionalitet të përkohshëm të përdorimit të gazit nga bizneset”, tha OECD.
Ky kombinim i goditjeve do të zvogëlonte rritjen e ekonomive europiane me më shumë se 1.25 pikë përqindjeje në vitin 2023, në krahasim me parashikimin qendror të OECD-së dhe do të rriste inflacionin me më shumë se 1.5 pikë përqindje, duke shtyrë shumë vende në një recesion të plotë.
Rritja globale parashikohet të jetë 0.5 pikë përqindje më e ulët dhe inflacioni 0.5 pikë përqindje më i lartë./ Financial Times
