Ministria e Financave ekzekuton sot pensionet me shtesën prej 100 eurove

Me tri ditë vonesë, Ministria e Financave njofton se sot pritet gjatë paradites t’i ekzekutojë pagesat për pensionet.

Sipas njoftimit, ekzekutimi i pensioneve me shtesën prej 100 eurove të bëhet gjatë paradites të së martës.

“Ministria e Financave, Punës dhe Transfereve njofton të gjithë pensionistët se pagesa e pensioneve e paraparë të bëhej sot [e hënë], është shtyrë për ditën e nesërme, më 18 tetor 2022”, thuhet në njoftim.

Reklama e sponzorizuar

MF-ja thekson se arsyeja e shtyrjes është se ka qenë i nevojshëm një proces shtesë verifikimi.

“Duke shpresuar në mirëkuptim të të gjithë përfituesve, ju sigurojmë se stafi i ministrisë është duke punuar intenzivisht ashtu që ekzekutimi i pensioneve me shtesën prej 100 euro të bëhet nesër që në sesionin e paradites [e së martës]”, përfundon MF-ja.