Sot, Ministri i Shëndetësisë në Kosovë, Arben Vitia, nënshkroi listën finale që i hap rrugë zbatimit të Ligjit për Çmimet e Unifikuara të Barnave.
“Për herë të parë, barnat do të jenë me çmime të njëjta kudo dhe më të ulëta sesa tani,” deklaroi Vitia, duke theksuar rëndësinë e këtij zhvillimi për përmirësimin e aksesit të qytetarëve në barnat esenciale.
Një nga lajmet më të mira për qytetarët është se çmimet e disa barnave janë ulur deri në 10 herë, ndërsa mbi 2900 produkte medicinale do të përfitojnë nga ulje të ndjeshme çmimi. Ky vendim pritet të lehtësojë barrën financiare për familjet kosovare, duke siguruar akses më të përballueshëm në trajtimet mjekësore.
Reklama e sponzorizuar
