Qeveria e Kosovës në mbledhjen e mbajtur sot ka ndarë 55 mijë e 600 euro për organizimin konferencës së kontabilitetit digjital dhe për ekspozimin në panairin New York Build EXPO.
Kryeministri Albin Kurti bëri propozimin për ndarjen e këtyre mjeteve për dy prej ngjarjeve të rëndësishme në sektorin ekonomik.
“Qeveria propozon ndarjen e 28 mijë e 100 eurove për organizimin e Digital Accounting Conference 2025 një ngjarje tashmë e dëshmuar tradicionale që synon avancimin e kontabilitetit digjital dhe promovimin e Kosovës si qendër pë shërbime kontabël nga distanca.
Konferenca që organizohet për herë të tretë mbledh profesionist të fushës, drejtues bizneseve dhje ekspert ndërkombëtar për të diskutuar mbi inovacionin kontabilitet, rritjen e eksporteve dhe zhvillimin profesional”, tha Kurti.
Ai theksoi se mbështetja financiare e Qeverisë synon të forcojë pozitën e Kosovës në sektorin e shërbimeve digjitale dhe të nxis rrjetëzimin mes bizneseve dhe institucioneve.
“Qeveria gjithashtu propozon ndarjen e 27 mijë e 500 eurove për mbulimin e hapësirës ekspozuese të prodhuesve kosovarë të mobileve në New York Build 2025”, tha Kurti, duke e cilësuar këtë si një mundësi të mirë për prodhuesit e drurit që të prezantojnë projektet e tyre para arkitektëve të njohur në SHBA. /Telegrafi/
