Nëse keni blerë një produkt dhe më pas jeni penduar, ligji ua njeh të drejtën që ta ktheni atë brenda 14 ditësh.
Sipas Ligjit për Mbrojtjen e Konsumatorit, qytetarët e Kosovës kanë të drejtë të heqin dorë nga blerja e një produkti pa pasur nevojë të japin sqarime, për aq kohë sa respektohet afati ligjor.
Kjo do të thotë se njoftimet që shpesh i shohim nëpër dyqane, si “malli i blerë nuk kthehet”, janë të kundërligjshme.
Megjithatë, para blerjes është e rëndësishme të lexohen kushtet e kontratës, sidomos kur bëhet fjalë për shpenzimet e kthimit, postën apo ndonjë pagesë shtesë.
Pra, herën tjetër kur blini një produkt, mbajeni në mend: si konsumator keni të drejta — dhe një prej tyre është e drejta për ta kthyer produktin e blerë brenda afatit prej 14 ditësh. /Buletini Ekonomik/
