Partia Demokratike e Kosovës ka iniciuar seancë të jashtëzakonshme.
KOHA ka mësuar se me kërkesë të kryetarit të PDK-së, Kadri Veseli, dhe mbështetje të 40 deputetëve, Kuvendi pritet të mbajë të premten seancë të jashtëzakonshme.
“Kjo seancë do të mbahet për të diskutuar dhe miratuar pakon emergjente financiare për të mbështetur 280 mijë punëtorët e sektorit privat dhe 60 mijë bizneset që po kalojnë vështirësi pandemie. Pakoja që pritet ta propozojë PDK-ja kap vlerën prej 320 milionë euro dhe përmban në detaje format ligjore të financimit”, i ka thënë Kohës një burim në PDK.
Edhe kryetari i PDK-së, Kadri Veseli, gjatë një vizite sot në Qendrën Kryesore të Mjekësisë Familjare në Ferizaj, paralajmëroi se të premten pritet të mbahet seanca e jashtëzakonshme.
