Nuk është miratuar lista me emrat e dëshmitarëve që do të dëshmojnë për energjinë në Komisionin Hetimor Parlamentar për Energjinë.
Gjatë mbledhjes së sotme të këtij komisioni, është përpiluar lista përfundimtare në të cilën janë vendosur emrat e dëshmitarëve të cilët do të ftohen për intervistim në këtë komision, porse e njëjta nuk ka kaluar.
Kryesuesi i këtij Komisioni, Hajdar Beqa, tha se do të largohen emrat e pamundshëm për t’u intervistuar siç janë: Hashim Thaçi, Kadri Veseli, Jakup Krasniqi, Kolë Berisha.
Kurse, deputeti i Lëvizjes Vetëvendosje, Arbër Rexhaj tha se gjatë rrugëtimit të hetimeve mund të dërgohen pyetje në Gjykatën Speciale për ish-udhëheqësit e institucioneve të cilët janë në Hagë.
Rexhaj ka shtuar se do të ftohet për intervistim edhe Glauk Konjufca.
Ndërkohë, Armend Zemaj, deputet nga Lidhja Demokratikee Kosovës, ka bërë të ditur se janë dy lista, njëra me 287 emra dhe tjetra me 287.
Sipas tij, kjo nuk do të mundësojë një hetim të arritshëm dhe nuk do t’i përkrah emrat të cilët ftohen vetëm për spektakël.
