Industria gjermane me inovacion me ”sistemet e ndriçimit të tekstilit” për industrinë e automobilave, tashmë po vjen edhe në Kosovë me biznesin e parë ”MUNDA Kosova sh.p.k”.
Ministrja e Industrisë, Ndërmarrësisë dhe Tregtisë, Rozeta Hajdari, ka pritur dje në takim përfaqësuesit e biznesit të përbashkët gjerman MUNDA Textile Lichtsysteme GmbH, të saporegjistruar pranë Agjencisë për Regjistrimin e Bizneseve në Kosovë, si biznes i ri “MUNDA Kosova sh.p.k”.
MUNDA Textile Lichtsysteme GmbH u themelua në verën e vitit 2019, në Erkrath, nga AUNDE një furnizues lider global i automobilave me ekspertizën e saj në fushën e tekstileve teknike dhe MENTOR një nga specialistët kryesorë të Gjermanisë në dritën e integruar me produktin me përvojë shumëvjeçare në teknologjinë e dritës me bazë LED, si partnerë të barabartë.
Sipas njoftimit nga MINT, MUNDA simbolizon idenë bazë të ndërmarrjes së përbashkët: dy kompani me një objektiv të përbashkët që kontribuojnë në çelësin e tyre ekspertizë dhe krijimi i diçkaje të re – sistemet e ndriçimit të tekstilit – në nivelin më të lartë teknik dhe të përshtatshme për përdorim në prodhim masiv në industritë më të kërkuara.
“Një fushë në të cilën tani po përqendrohet MUNDA është industria e automobilave ku po përdoren zgjidhjet më moderne të ndriçimit me vlerë të shtuar praktike në produktet e së nesërmes përmes aspekteve funksionale, estetike dhe emocionale”, thuhet në komunikatë.
Investimi i kompanisë MUNDA në Kosovë me prodhimin e tapicerive dhe tekstileve për industrinë e automobileve, përveç 200 vendeve të reja të punës, do të sjellë përvojën në fushën e prodhimit të tekstileve teknike me njohuritë e teknologjisë së ndriçimit të bazuar në LED. Një teknologji e re kjo që krijon mundësi krejtësisht inovative.
Ministrja Hajdari i njoftoi dje përfaqësuesit e Munda-së për reformat strukturore dhe plotësimit të legjislacionit që ndihmon qasjen e investitorëve në Republikën e Kosovës dhe iu ofron mbështetjen e plotë për të lehtësuar investimet dhe të bërit biznesit në vendin tonë.
“Partnerët e MUNDA, u shprehën të kënaqur dhe gjersa diskutuan për vend ndodhjen e tanishme të veprimtarisë në hapsirën prej 7200m2 me qera në City Park, në komunën e Prishtinës dhe gjatë viteve në vijim planifikojnë të ndërtojnë fabrikën e tyre në Kosovë dhe zgjerojnë prodhimin me produkte të reja dhe të krijojnë partneritete me bizneset dhe ndërmarrësit vendor, të cilët së bashku, përmes transferimit të njohurisë dhe transferimit të teknologjisë inovative do të kontribuojnë në prodhim të produkteve me vlerë të lartë të shtuar, transformimin e industrisë dhe integrimin e prodhimit vendor në zinxhirin global të vlerës”, përfundon njoftimi. /Buletini Ekonomik/
