Xhemë Veseli, kryesues i ekipit që po negocion me Serbinë për hekurudhat, ka thënë se kanë pasur negociata të mira e është shprehur optimist se në ditët në vazhdim do të mbyllen me sukses bisedimet.
Në një deklaratë për KP-në, pas takimit në Berlin, Veseli ka thënë se palët kanë zhvilluar “diskutime konstruktive”.
Reklama e sponzorizuar
“Kemi pasur bisedime të mira. Kemi bërë përparim dhe jemi dakorduar që në ditët në vijim të mbyllim me sukses bisedimet”, është shprehur Xhemë Veseli, drejtor i Departamentit të Transportit Tokësor në Ministrinë e Infrastrukturës dhe Transportit të Republikës së Kosovës.
Ambasadori Grenell gjatë vizitës së tij në Kosovë dhe në Serbi javën e kaluar paralajmëroi arritjen e marrëveshjes edhe për hekurudha dhe për autostrada.
